20 መጋቢት
ቅድሚ 62 ዓመት
ኣብ 1949
ዝተገብረ ብሸፋቱ ቅትለት
ሃገር ከይሓልፍላ
ከይተንበልብል ባንዴራ
ምስ ኩሉም ኣሕዋቱ ዝሓይሽ ምኺሩ
ጉዳይ ናጽነትና ንጓናጸፍሉ
ናብ ሕቡራት መንግሰታት ንምኻድ ኣብ ዝተበገሰሉ
ምልእኽቱ ከየብጽሕ ክፍኣት ሓሰብሉ
ብዕለት 18 መጋቢት ጥይት ተኮስሉ
ብ 20 መጋቢት መስዋእቱ ተነጊሩ
ጀግና ኣቦና ኪቢረ ኩሉ ሓዚንሉ
ጅግና ተስዊኡ ምእንቲ ሃገሩ
ሓደ ዓመት ከይማሃሩ
ምሉእ መዋእሎም ዝድንቅሩ
ብፍቅሪ ሃገር ባዶ ዝስፈሩ
እከይ ተግባራት ዝገብሩ
ቅድሚ 62 ዓመት ናዓኻ ዝቀተሉ
ኣንጻር ሓድነት ፍላለይቲ
ተንኮል ዝኣልሙ መሉእ ለይቲ
ንምትዕንቃፍ ዝነበረ መልእኽቲ
ፈጸሙ ኣብ ልዕሊ ኣቦና ከቢረ ምቅተልቲ
ናጽነትና ከይእወጅ ከይንኽውን ሓራ
ንጀግና ቀቲሎም ኣብ ማእከል ኣስመራ
ሃገር ጕዕጺጾማ ኣብ መግዛእቲ ኣምሓራ
ኣቦ ስውኣት ሓበን ኤርትራና
እንተ ዘይቅትሉኻ ጽላእቲ ሃገርና
ምስላጠ ነይሩ ጉዳይ ናጽነትና
ኣይ ምፍሰስን ነይሩ ደም ኣሻሓት ስዋኣትና
ከቢረ እወ ከቢረ ሽምካ ዝመስከረ
ከም ሽምካ ከቢረ ስለ ዝኾንካ ከቢረ
መሲልዎም ዝኾለፉ ዕላማ ከቢረ
ሳላ እቲ ክቡር ደምካ ምፍሳስ ምስ ጀመረ
ቀጺሉሞ ጀጋኑ ኣነ ኤርትራ ክቢረ
ወትሩ ኣብ ልብና ኢኻ
ሸፋቱ እንተ ጸቀጥዎ ጅግንነት ታሪኽካ
ኣለውና ጀጋኑ ጻሓፍቲ
ንኹሉ በብሓንቲ
ብዘይ ኣፍላላይ ንሓቂ ዋሃብቲ
ናይ ታሪኽ ተንተንቲ
ተጻሒፉ ኢዩ ታሪኽካ ምስትን ከዋኽብቲ
ሓደ ዓመት ከይማሃሩ
ምሉእ መዋእሎም ዝድንቅሩ
ብፍቅሪ ሃገር ባዶ ዝስፈሩ
እከይ ተግባራት ዝገብሩ
ቅድሚ 62 ዓመት ናዓኻ ዝቀተሉ
ኣርሒቆም እንተ ዝጥምቱ እቲ ፈለማ
እንተ ዝብሉ ሃገርና ክጥዕማ
ናጽነት ወይ ሞት እንተዝብሉ ከምዚ ናትካ
ኣብቲ ሽዑ ዝነበረ ቃልሲ ፖለቲካ
ክምቲ ጽኑዕን ሓቀኛ መርገጽካ
ወገነይ ብሄረይ ፈጺምካ ኣርሒቅካ
ዓሌት ወገን ኣውራጃ እንከይፍላለኻ
ዘልኣለም ዘይትርሳዕ ጭርሖ ዕላማኻ
ናጽነት ወይ ሞት ሓበን ንዓድኻ
እስኻ ዶ ኣይትዝከርን ሸፋቱ ክጠልሙኻ
ታሪኽካ ቀቢሮም
ሂወትካ ቀቲሎም
ኣየ እዚ ድንቁርንኦም
ኣብ ጎንኾም ምስ ምሳኾም እንተዝኾኑ
ኣይምተኽፍለን እዚ ኹሉ ደም ጀጋኑ
ሃገር ምረኽበት ናጽነታ ብእዋኑ
ዝኽርን ክብርን ንጀጋኑ ሰማእታትና
ዓወት ነቲ ደም ዝነብዕ ዘሎ ህዝብና
ዓወት ንመጻኢ ሃገራዊ ጉባኤና
ንስልጣኖም ክብሉ ዝጭቑኑ
ዝደኽሙ"ውን ጥቅሞም ንምርባሕ
ኣይትደሊን ኢያ ኤርትራ ናይ ጽባሕ ኤርትራ ናይ ጽባሕ
ውድቀት ንዲክታቱራዊ ስርዓት ህግደፍ
ኣማን ሰላም
ካብ
ማእከላይ ምብራቅ
|
