ብሓልዮት ምንቅስቃስ ኤርትራዊ መንእሰይ ንለውጢ ዝተዳለወ ብቀዳም 21 ግንቦት ሰፊሕ ሰለማዊ

 ሰልፊ ኣብ ከተማ ሎንደን ተኻይዱ። እቲ ሰለማዊ ሰልፊ ካብ ሳዓት 1፡00  ድሕሪ ቀትሪ ጀሚሩ

 ካብ  Kings Cross Station ክሳብ ኣፍደገ ኤምባሲ ስርዓት ኤርትራ ን45 ደቓይቕ ብናይ እግሪ

ግዕዞ ድሕሪ ምምራሽ ክሳብ ሳዓት ሓሙሽተ ቀጺሉ ኣምሲዩ።

ጸብጻብ ሰለማዊ ሰልፊ ኣብ ከተማ ሎንደን

ብሓልዮት ምንቅስቃስ ኤርትራዊ መንእሰይ ንለውጢ ዝተዳለወ ብቀዳም 21 ግንቦት ሰፊሕ ሰለማዊ ሰልፊ ኣብ ከተማ ሎንደን ተኻይዱ። እቲ ሰለማዊ ሰልፊ ካብ ሳዓት 1፡00  ድሕሪ ቀትሪ ጀሚሩ ካብ  Kings Cross Station ክሳብ ኣፍደገ ኤምባሲ ስርዓት ኤርትራ ን45 ደቓይቕ ብናይ እግሪ ግዕዞ ድሕሪ ምምራሽ ክሳብ ሳዓት ሓሙሽተ ቀጺሉ ኣምሲዩ።

ሰላማዊ ሰልፊ ኣንጻር ጨቋኒ ስርዓት ዝዓለመ ምእንቲ ብሩህ መጻኢ ዕድል ህዝብና ኮይኑ፡ ሕቶኡ ድማ “ ድልየት ህዘቢ ስርዓት ንምእላይ “እዩ ነይሩ። ቀጺሉ እቲ ብምኽንያት ሰለማዊ ሰልፊ ዝተዳለወ፡ ኣብዚ ውሽጢ ዕስራ ዓመት ዘሕልፎ ዘሎ ስርዓት ኤርትራ ዝጠንቁ፡ ፓለቲካውን ቁጠባውን ማሕበራውን መከራ ዝገልጽ ጽሑፍ ( Memo ) ብክልቲኡ ቋንቋታት ኣብቲ ሰለማዊ ሰልፊ ድሕሪ ምንባቡ ንስርዓት ኤምባሲ ኤርትራ ተላኢኹ።

ብድሕሪኡ፡ ዝተፈላለየ መደረ ካብ ዝተፈላለዩ ኣባላት ፓለቲካውያን ውድባትን በርጌሳውያን ማሕበራትን ተጣበቕቲ ሰብኣዊ መሰላትን ብጭሮሖ ተሰንዩ ብሓደ ድምጺ “ ይኣክል ንዕስራ ዓመት ጭቆና” ዝብል እዩ ነይሩ።  ኣብ መጨርሽታ፡ እቲ ሰለማዊ ሰልፊ ከምቲ ተመዲቡሉ ዝነበረ ሳዓት 17፡00 ብዓወት ተዛዚሙ።

ዓወት ንፈታው ሰላምን ደላይ ለውጢ ዲሞክራስን

ውድቀት ንስርዓት ኤርትራ

22.05.2011