ነጻነቱ ብደሙ ኣራጋጊጹ ሓርነት ዝሓርበቶ ህዝቢ
መበል 79 ክፋል
ህዝባዊ ባርዕ ከይልብልበኩም
ህግደፋዊያን ትዕደሙ ኣልለኹም
ነጻነቱ ብደሙ ኣራጋጊጹ ሓርነት ዝሓርበቶ ህዝቢ
መበል 79 ክፋል
ሕድሪ ሰማእታትና ክቡር እዩ
በርሀ ዑቁባዝጊ ሃገር ጀርመን
ህዝባዊ ባርዕ ከይልብልበኩም
ህግደፋዊያን ትዕደሙ ኣልለኹም//
ያኣክል ክውዕየካ ብማንካ
ክዝሕለካ ቢኢድካ
ወዲ ኤረይ ኣቡዑርካ
ጽመድ ኣትሪርካ
ዝተበደልካዮ ያኣኽለካ
ክትጋላገል ካብ ናይ
ሕጊ ኣልቦ ማሕለኻ//
ኮኾብ ጽባሕ
መንገዲ ሓብር ክወግሕ
ምስ ወግሔ ሓርነት
ክነስተማቕር ጽባሕ//
ነዛ ሃገር እንታይ ግበሪ ትብልዋ
ንሳስ ኡይ ምበለት ኣፍ እንተ ዝህልዋ//
ኣጆኹም ኣጆና መቃልስተይ
ኣጆኹም ኣጆና መናእሰይ
ዋዕሮታት ኣለዋ ምሳና ደቂ ኤረይ
ኣብ ጀነቭ የራኽበና ደቂ ሃገረይ//
እወ ንሕና ልሳን ዉጹዓት
ንቃለስ ዘለና ብትብዓት
ጸረ መጽነቲ ደቀባት//
ከይንጠልም ኣቲና መብጻዓ
ኣይትነብርን ኢያ ተረጊጻ
ሃገር ብእኽብካብ ተሃዊጻ
ብማንኪ ክሻ ተበጽቢጻ
ህግደፋዊያን
እተን ተስፋ ዝቆረጻ
ዓዲ በጺሔን ምስ ተመልሳ
ብፍርሂ እቲ ዘረኣየኦ ከየጋልጻ
ኣብ ገዛ ይዕበጣ ደገ ከይወጻ//
ክሳብ ማዓስ ክተጣቑዑ
ገንዘቦም ቁማር ዝተበልዑ
እቶም ኣብ ዳሳት ህግደፍ
ከብዶም ብሕሩሩ ዝስዕስዑ
ክትርእዮም ከብድኻ ዝበልዑ
ጻዊዒትና ዘይትሰምዑ
እንታይ ተሪፍኩም ምሳና
ምስ ደለይቲ ፍትሒ ዘይትሕወሱ
ካብ ተሓቢእኩም ተልቅሱ//
ህግደፍን ሓሶትን
ሓዳር ዝበታትን
የባእስ ሰብኣይን ሰበይትን
ሓንቲ ማዓልቲ ኣላ
ዝጓሓፉላ ጭርናዓቱን ንሱን//
ስደት ንገለ ውርደት
ስደት ንገለ ልደት
ገለ ገንዘብ ይኣሪ
ተባህለ እንዳ በለ የውሪ
ገለ ማኪና የጥሪ
ሹዑ
ክራባታ ገሩ ይብል ሸናዕ
ገለን ብጉዳይ ሃገሮም
ናብቲን ናብትን ይጻፋዕ
ገለ ኣይግዱ ሰኺሩ ይብል ዓዕ
ገለ ኣብ ጉዳዩ ይድለ ክጽዋዕ//
ገለ ከኣ ኣብ ባዓላት
ኣይግዱ ይስዕስዕ ይድሰት
ኣብ ሆተል ተሓጺቡ ይድቅስ
ገለ ንስለ ፍትሒ ኣብ ሃለ ይግምሰስ//
ብድሕሪኡ ኣጋይሹ ኣፋንዮም
ረሃጾም ንፍትሓዊ ቃልሲ ኣፍሲሶም
ከይተሓጸቡ ይምለሱ ንቤቶም
ተመሊሶም ነብሶም ወዲቦም//
ኣብ ሰላማዊ ሰልፍታት ይሳተፉ
ኣብ ግንባራት ዘለዉ በጃ ይሓልፉ
ንድሕነት ህዝቢ ሂወቶም የሕልፉ
ገለን ብኾፎም ክይተሰከፉ
ንደለይቲ ፍትሒ ይዝልፉ//
ገለ ብማዕዶ ይምካሕ
ገለ ብተመልከተለይ ይስጣሕ
ብናይ ኢሰያስ መምርሒ
ንጹሃት ቀቲሉ
ኣብ ስልጣን ይውጣሕ
ገለ ይቃለስ ንዓመታት ንፍታሕ
ንጭፍራ ህግደፍ ከብል ፋሕ ፋሕ//
ነዛ ሃገር እንታይ ግበሪ ትብልዋ
ንሳስ ኡይ ምበለት ኣፍ እንተ ዝህልዋ//
ገለ ብድቅሱ ተቃለስቲ ይሓሚ
ገለ ይዕዘብ መንእሰይ ክደሚ
ገለ ጸረ ምልኪ ይገጥም ግጥሚ
ከተግብር ናይ ህዝቢ ሕልሚ//
ነዛ ሃገር እንታይ ግበሪ ትብልዋ
ንሳስ ኡይ ምበለት ኣፍ እንተዝህልዋ
እቶም ኣፍ ዘለዎም እዮም ጠሊሞምዋ
ኣእዳዎም ኣጣሚሮም እንዳ ተዓዘቡዋ
ጠሊሞም ናይ ሰማእታት ለበዋ//
ጸረ ጠላማት የድሊሎ ምውህሃድ
ንድሕነት ህዝቢ ሰሚርካ ምኻድ
ጸረ ከዳዓት ክሳድ ምሓዝ
ንገፋዕታ መልሓሶም ምግራዝ//
ኡይ ዝብል ውሒዱ
እቶም ዝበዝሑ
ርእሶም ኣድኒኖም ይኸዱ
ይቃወሙ እቶም ዝዋሓዱ
እቶም ዝበዝሑ
ኣብ ዳሳት ጭፍራ የኹዱዱ//
እዛ ሃገር እንታይ ግበሪ ትብልዋ//
ክቅንጠጥ ናይ ኤረትራዊያን ፍርሒ
ብልሒ ጨናፍርኪ ኣስፋሕፍሒ
ክንምክቶ ንናይ ጭፍራ መምርሒ
ካብ ሱሩ ክሞሖ ናይ ኢሰያስ ሸርሒ//
ወጮ እንተ ተገምጠለስ ወጮ
መልክዕ የብሉን ኣብ ስኑ ዘለዎ ፍጮ
ኣይንነብርን ኢና ብጭፍራ ክንባሳጮ//
ብሓገዝኩም ደም ህዝቢ
ደሙ ኮይኑ ደም ከልቢ
ናይ ንእሽቶ ዓቢ
ትልኽ ትብል ኣላ ልቢ
ክትድሕኑ ካብ ህዝባዊ ናዕቢ
ህግደፍ ሕጂ ዓድጉ ቀልቢ
ንዲክታቶር በልዎ እንቢ//
ኣስመራ ምስ ገበረት ዝሓይሽ
ሹዑ እወታ ሹዑ
ንህግድፍ ውሕጅ ይወስዶም
ናብትን ናብትን ጋፈዔ
ሕነ ክፈዲ ናይቶም ዝተገፍዔ//
ዓወት ነቲ ደም ዝነብዕ ዘሎ ህዝቢ ኤረትራ
ክብርን ሞጎስን ንጀጋኑ ሰማእታትና
ኤረና ንለብዘበን እንበር ነዓምመታስ ሸዊት ለምለም
ዕንወት ንጃንዳ ህግደፍን ዓንገልቶምን