ሰሚናር ብምኽንያት መበል 52 ዝኽሪ ምጅማር ብረታዊ ቃልሲ

ሰሚናር ብምኽንያት መበል 52 ዝኽሪ ምጅማር ብረታዊ ቃልሲ

ብምኽንያት ባሕቲ መስከረም፡  መበል 52 ዓመት ዝኽሪ ምጅማር ብረታዊ ቃልሲ ህዝቢ ኤርትራ፡ ምንቅስቃስ ኤርትራዊ መንእሰይ ንለውጢ “ ሃገራዊ ሓድነትን ብድሆታቱን” ዝብል ዛዕባ ኣልዒሉ ብሰንበት 1 መስከረም 2013 ኣብ በርሚንጋሃም ሰፊሕ ሰሚናር ኣካይዱ።

ብመጀመሪያ ንምንቅስቃስ ኤርትራዊ ምንእሰይ ወኪሉ ኣቶ ኣሕመዲን ማሕሙድ ንዕዱማት ኣጋይሽ ከምኡውን ንኣኸበኛታት እንቋዕ ብዳሓን መጻእኩም ኢሉ።

ስዒቡ ኣቶ ኢድሪስ ሁመድ ንባሕቲ መስከረም ኣመልኪቱ፡ እዚ ሎሚ እንዝክሮ ዘለና መበል 52 ምጅማር ብረታዊ ቃልሲ ህዝቢ ኤርትራ : ሓደ ኣገዳሲ መድረኽ ናይ ሓድነትና ስለ ዝኾነን እዩ ክብል ሓጺር መደረ ሂቡ።

ካብኡ ብምቅጻል ኣሕዋት ሓምድ ድራር፡ ዓብዱ ዓብደላን ኢብራሂም ሓምድን “ ሃገራዊ ሓድነትን ብድሆታቱን” ዝብል ዛዕባ ኣልዒሎም ሰፊሕ ሰሚናር ሂቦም።

ኣብ መጨረሽታ እቲ ኣርእስቲ ኣዝዩ ሰፊሕ ብምንባሩ ሓያል ዘተን ሰሚናራትን ከም ዘድለዮ ኣኸበኛታት ብሓባር ኣስሚሮሙሉ።

ዘልኣላማዊ ዝኽሪ ንሰማእታትና

ዓወት ንውጽዕ ህዝቢ ኤርትራ

ውድቀት ንዲክታቶሪያዊ ስርዓት ህግደፍ

ምንቅስቃስ ኤርትራዊ መንእሰይ ንለውጢ

01-09-2013