መጸዋዕታ
ሽማግለ ዜናን ሓበሬታን
ኤርትራዊ ሃገራዊ ኮሚሽን ንደሞክራስያዊ ለውጢ
መጸዋዕታ
ሃገራዊ ጉባኤ ተሳትፎ ኩሉ ክውንነት ህዝብናን ሓይልታት ደሞክራስያዊ ለውጥን ብዘይዝኾነ ፍልልይ ዘውሕስን ብስልጡን ኣገባብ ኤርትራውያን ሕድሕድ ልዝባት ዘካይድሉን ዕውት መጋብኣያ ክኸውን ኮሚሽን ብዋዕላ ዝተነበረሉ እምነትን ብሓልዮትን ሓገዛትን ህዝብናን ብርቱዕ ጻዕርታት ክገብር ምዃኑ ይሕበር።
በዚ ኣጋጣሚ’ዚ ኮሚሽን እቲ ዋኒን ሓባራዊ ዕማም ምዃኑ ብምግንዛብ፡ ነፍሲ ወከፍ ሞያ ዘለዎም ዜጋታትና ኣርማ ኤርትራዊ ሃገራዊ ኮሚሽን ንደሞክራስያዊ ለውጢ ኣብ ምምራጽ ክሳተፉን ክተሓጋገዙን ጻውዒቱ የቕርብ። እቲ ዝዳሎ ኣርማ ንዕላማታትን ዕማማትን ኤርትራዊ ሃገራዊ ኮሚሽን ንደሞክራስያዊ ለውጢ ዘንጸባርቕ ኮይኑ፡ ብዝተካእለ መጠን ብሰለስተ ቋንቋታት ትግርኛን ዓረብኛን እንግሊዘኛን ክቐርብ ብትሕትና እናሓተትና ነዚ ዝስዕብ ረቋሒታት ዘማልእ ይኸውን። ንሱ ድማ
Ø ሃገራዊ ሓድነት
Ø ሃናጺ ልዝብ
Ø ሰላም
Ø ፍትሒ
መወዳእታ እቲ ኣርማ ዝቐርበሉ ን25/09/2010 ኮይኑ፡ በዚ ኣድራሻ ኢ-መይል ENCDC2011@gmail.com ክትሰዱልና እናኣዘካኸርና፡ ተዓዋቲ ኣርማ ኣብ ሃገራዊ ጉባኤ ናይ ክብሪ ጋሻ ኮይኑ ከም ዝዕደም ነረጋግጽ።
መተሓሳሰቢ፡
እቲ ዝዳሎ ኣርማ ሕጋዊ ንብረት ኮሚሽን ክኸውን ምዃኑ ንሕብር።
ዓወት ንህዝቢ ኤርትራ !!
ዓወት ንሃገራዊ ጉባኤ !!
ውድቐት ንምልካዊ ስርዓት ህግደፍ !!
ሽማግለ ዜናን ሓበሬታን
ኤርትራዊ ሃገራዊ ኮሚሽን ንደሞክራስያዊ ለውጢ
09 መስከረም 2010