ኣብ ግዜና ፡ ንዛተ ሓቢርና

 ኣብ ግዜና ፡ ንዛተ ሓቢርና

ህዝቢ ኤርትራ ኣንጻር ባዕዳዊ ቃልሲ ካብዝገበሮ ብዘይፍለ ፡ ሕጂውን ኣብ ኣንጻር ምልካዊ ስርዓት ዝግበር ዘሎ ቃልሲ ተጸሚዱ ይርከብ፡ ብርግጽ ከምቲ ህዝቢ ኤርትራ ዝጽበዮን ወድዓዊ ኩነታት ሃገርና ዘሎ ቅልውላውን ምስ ዝነጻጽር፡ ቡቑዕ ቃልሲ’ዩ ክብሃል ኣይካኣልን ፡ ስለዝኾነ ድማ ወትሩ ኣብ ዘገምታ ይርከብ። ሽሕ’ኳ ሓያሎ ረቛሒታት እንተሃለዎ ቃልሲ ንኸይስስን፡ ብቐንዱስ  ብኩራት ናይ ዝበዝሔ መንእሰይ ኣብ ቃልሲ ኣሉታዊ ሳዕቤኑን ጎሊሑ ካብ ማዓልቲ ናብ ማዓልቲ ይርአ’ሎ።

እምብኣር ነዚ ኣብ ግምት ብምእታው ዓለምለኻዊ ምንቅስቃስ መንእሰያት ኤርትራ ብኣጋጣሚ ምድላው ን2ይ ጉባኤኡ፡ ንኹሉ መንእሰይ ኣብ ርሑቅ ይኹን ኣብ ቀረባ ብሞራልን ብንዋትን ዘተባብዖ እናሞገሰ፡ ክንየው ዝሓለፈ ሞራላዊን ንዋታውን ሓገዛት- ሎሚ ዘለናዮ መድረኽ  ካብ ዝሓለፈ እዋናት ንላዕሊ መንእሰይ “ኣለኹ--- ኣንጻር ምልኪ” ዝብለሉ እዋን እዩ።  ምእንቲ’ዚ ዓ.ም.መ.ኤ  ንመጋቢት 11 ክሳብ 13, 2011 (March 11-13, 2011) ኣብ ላስ-ቬጋስ ኔቫዳ ከካይዶ መዲቡ ዘሎ 2ይ ጉባኤኡ ኮሚቴ ብምድላው ኣብ ምሽብሻብ ይርከብ።  ከም ኩሉ ግዜ ድማ “ኣብ ግዜና --ንዛተ-- ሓቢርና ” ኢሉ ማዓጹታቱ ከፊቱ፡ ካብ ዝሓለፈ ክንማሃርን ንዝያዳ ሓደ ዓመት ዝሰረሓሉ ሕገ-ማሕበር ክንድህስስን ንኹሉ ደላዩ ለውጢ መንእሰይ ንዕድም። ብርግጽ ነዚ ድሮ ኣብ ማሕበር ዝዓሰለ መንእሰይ ኣብ ማሕበር ክመሓየሹ ኣለዋም ዝብሎም ሕገ-ማሕበር ክርኢን፡ ነቲ መንኮርኮራዊ ሓይሊ ኮይኑ ሞራል ዝህብ ዝነበረ መንእሰይ ድማ ብወግዒ ዓሲሉ ታርኡ ክጻወት ይጽውዕ።

ዝኾነ ሕቶ፡ ርእይቶ፡ ለውጢ ኣብ ሕገ-ማሕበር ይኹን ኣካይዳ ማሕበር ብዝምልከት በዚ ዝስዕብ ኣድራሻ ተወከሱና  

EYGM-PREPCOMM@menesey.org

ደጊምና ኣብ ጊዜና -- ንዛተ ሓቢር

ለውጢ መታን ክመጽእ-- ኣብ ሃገርና ።

ዓወት ንደለይቲ ሰላምን ዲሞክራሲን!!

ኣሰናዳኢት ሽማግለ

ን2ይ ጉባኤ ዓ.ም.መ.ኤ

    ለካቲት 6 2011